Saturday 22 September 2018

නවවැනි දිගහැරුම (#9)

ග්ලූකෝමා රෝගය සහ අක්ෂි ප්‍රදාහය (Conjunctivities)

ග්ලූකෝමා රෝගය පිළිබඳව දෙවෙනි ලිපිය මෙයයි.එහි පළමු ලිපිය අටවෙනි දිගහැරුම (#8) තුළ අන්තර්ගත වේ.

එය අවශ්‍ය නම් මෙතනින් බලන්න .

එහිදී සාකච්ඡා කළ ආකාරයට ග්ලූකෝමා රෝගයේ Open angle තත්වය බොහෝ විට වයස අවුරුදු 40 - 50 ඉක්මවූ අයට සෑදුනත් සමහර අවස්ථා වලදී මෙම රෝගය කුඩා දරුවන්ට වැලදිය හැකිය .නමුත් ,කුඩා දරුවන්ගේ අක්ෂි පටල මෘදු නිසා ඒවා මෙම තරලය මගින් ලබාදෙන පීඩනය හමුවේ තරමක් ඇදීමකට ලක්වීම නිසා නියුරෝන සෛල තෙරපී විනාශ වීමකට ලක්නොවේ.


ඉහත රූපසටහනේ දැක්වෙන්නේ කුඩා දරුවෙකුට ග්ලූකෝමා රෝගය සෑදුනු අවස්ථාවකි.

කුඩා දරුවන්ගේ සෑදෙන ග්ලූකෝමා රෝගයේ Open angle තත්වය හදුනාගැනීම වැඩිහිටි අයට වඩා පහසු වේ.ඔවුන්ගේ කළු ඉංගිරියාව (කණිනිකාව ,තාරාමණ්ඩලය ) සුදු පැහැගැන්වී ඇත.එය ඔබ වැඩිහිටියෙකු ලෙස හදුනාගත් වහාම ඔබේ දරුවා වෛද්‍යවරෙක් වෙතට ගෙනයන්න.ඖෂධ ප්‍රතිකාර ක්‍රම මගින් මෙම තත්වය එහිදී පාලනය කරනු ඇත.

ග්ලූකෝමා රෝගයේ දෙවන තත්වය වන Closed angle අවස්ථාව පිලිබදව සලකා බලමු .

එම තත්වය ක්ෂණිකව ඇතිවන රෝගියාට රෝග ලක්ෂණ හදුනාගත හැකි ග්ලූකෝමා රෝගයේ එක්තරා ආකාර තත්වයකි.මුලින් සාකච්ඡා කල Open angle තත්වය මෙන් නොව සාපේක්ෂව සුළු පිරිසක් මෙහි රෝගීන් වේ.

Closed angle ග්ලූකෝමා රෝගයේ රෝගී ලක්ෂණ ÷

1. ඇසේ වේදනාව.(අධිකවම)

2. ඇස ක්ෂණිකවම රතු පැහැ වීම.

3. ඇසේ බබා (කණිනිකාව) ගෝලාකාර ලෙසට විශාල වීම.

4. සමහර පුද්ගලයින්ගේ ඇසේ බබා (කණිනිකාව) ගෝලාකාර නොව ඕවලාකාර හැඩයක් ගැනීම.

5. ඕක්කාරය හා ක්ලාන්තය ඇතිවීම.

ග්ලූකෝමා රෝගයේ Open angle හා Closed angle රෝගී තත්ව ඇති කිරීමට හේතු සාධක සලකාබලමු.

1. උපතේදී ඇතිවන ග්ලූකෝමා තත්වයන්

2. දීර්ඝ කාලීන අධික රුධිර පීඩනය

3. දීර්ඝ කාලීන හා ඉහල අගයකින් යුතු දියවැඩියා තත්වයන්

4. පාරම්පරික ප්‍රවේණික තත්වයන්

5. වියපත් වීම (වයස අවුරුදු 40 ට වැඩි නම් )

6. ඇසට සිදුවන හදිසි අනතුරු තත්වයන්

7. දෘෂ්ටික පේශීන් වයසට යෑම සමග දුර්වල විම

8. අධික ස්ථූලබව හා ඉරුවාරදය වැනි රෝගී තත්වයන්

9. ස්ටෙරොයිඩ අඩංගු ඖෂධ වර්ග දීර්ඝකාලීන භාවිතය

මෙම රෝගයේ අවධානම් තත්වය සලකන්නේ නම් ,රෝගය මූලික අවස්ථාවේදි හදුනානොගෙන අවසාන අවස්ථාව දක්වා කල්ගතවුවොත් අන්ධ විම් වලට ගොදුරු විය හැකිය.

ලෝකයේ දැනට ග්ලූකෝමා රෝගයෙන් පෙළෙන රෝගින් ප්‍රමාණය මිලියන 4.5 ඉක්මවා ගොස් ඇත.ශ්‍රි ලංකාවේ ග්ලූකෝමා රෝගය හදුනාගන්නා රෝගින්ගෙන් 12% ක් පමණ අන්ධවීම් වලට ලක්වේ.එයට හේතුව වන්නේ අවසාන අවස්ථාවේදී රෝගීන් මෙම රෝගී තත්වය හදුනාගැනිමයි.අවාසනාවට කරුණ නම් ,බොහෝ රටවල ග්ලූකෝමා රෝගීන්ගෙන් 50% ක් තමන්ට ග්ලූකෝමා රෝගය යයි නොදැන ජීවත්වීමයි.

ග්ලූකෝමා රෝගය නිට්‍ටාවටම සුව කළ නොහැකිය.එහි රෝග පාලනයක් පමණක් කළහැකිය.මෙහිදී ප්‍රතිකාර වශයෙන් දියරමය ඖෂධ යෙදීම හෝ ශල්‍යකර්මයන් සිදුකරයි.බොහෝවිට සිදුවන්නේ මෙම දියරමය ඖෂධ ඇසට යෙදීමයි.


මෙලෙස දියරමය ඖෂධ ඇසට යෙදීම කිසියම් කාලසටහනකට අනුව සිදුකළ යුතුය .මෙය කාලසටහනේ ඇති වේලාවට පෙර හෝ පසුව ඖෂධ යෙදීම මගින් රෝගය කෙරෙහි සුවතාවයක් ඇතිනොවේ.

මෙම දියරමය ඖෂධ ලබාදෙන්නේ ඇසේ පීඩනය පාලනය කිරීම සදහා ය.එක් වරකදී එක් බිදුවක් බැගින් එක් ඇසකට යෙදිය යුතුය .වැඩිපුර යෙදීම මගින් ඖෂධ අපතේ යැවීමක් පමණක් සිදුකරයි.

ඇසේ පීඩනය ඉහළ යන්නේ පෙරවරු 8-9 හා පස්වරු 8-9 යන කාලසීමා වලදීය.එමනිසා ඇසට ඖෂධය යෙදිය යුත්තේද,අනිවාර්යයෙන්ම මෙම කාලසීමාවේදීය.

මෙම කාලසීමා වලට ප්‍රථමයෙන් ඖෂධය ඇසට යෙදීම මගින් හා මෙම කාලසීමා පසුවූ විට ඇසට ඖෂධය යෙදීම මගින් රෝගය පාලනය වීමක් සිදුනොවේ.එහිදී වන්නේ ඖෂධ භාවිතා කරන විටදීත් රෝගය උත්සන්න වීමයි.

ග්ලූකෝමා රෝගීන් විසින් සාමාන්‍යයෙන් එක් වරකදී ජලය වැඩි ප්‍රමාණයක් පානය නොකල යුතුය .දුම්බීම හා මධ්‍යසාර පානයෙන් ඉවත්විය යුතුය ,කිසියම් වෙනත් රෝගයක් සදහා ප්‍රතිකාර ලබාගැනීමකදී එම වෛද්‍යවරයාට තම රෝගය පිළිබඳව දැනුවත් කළ යුතුය .(ස්ටෙරොයිඩ ඖෂධ වෛද්‍යවරයා විසින් නිර්දේශ කිරිම වලක්වාගැනීමට)

දැනට ඔබට මෙම ග්ලූකෝමා රෝගී තත්වය නොමැති වුවත් ඔබ වයස අවුරුදු 40 ඉක්මවූ හෝ ඔබ පවුලේ ආසන්න කෙනෙකු හට මෙම ග්ලූකෝමා රෝගය පවතීනම් ,අවම වශයෙන් වසරකට එක් වතාවක් හෝ අක්ෂි වෛද්‍යවරෙක් වෙතට යොමු වී ඇස් පරීක්ෂා කරගන්න.මේ සදහා සියළුම රජයේ රෝහල් වල නොමිලේ පරීක්ෂණ හා වෛද්‍ය පහසුකම් ඔබ වෙනුවෙන් සපයා ඇත.අදම ලගම පිහිටි රජයේ රෝහල වෙතට යොමුවන්න.


විවිධ කාලවලදී ක්ෂණිකව මතුවන අක්ෂි රෝගයක් වන්නේ අක්ෂි ප්‍රදාහයයි (Conjunctivities) .මෙය සාමාන්‍ය ව්‍යවහාරයේදී "ඇස් ලෙඩ" ලෙසට හදුන්වයි.

මෙම ලිපිය කියවන බොහෝ දෙනෙකු අනිවාර්යයෙන්ම මෙම රෝගය සෑදී ඇති අයවළුන් විය යුතුය .

අක්ෂි රෝග ආකාර දෙකකට බෙදිය හැක.

• බෝ නොවන අක්ෂි රෝග

• බෝ වන අක්ෂි රෝග

පසුගිය ලිපි මගින් අපි සාකච්ඡා කරනු ලැබූ සියළුම අක්ෂි රෝග බෝනොවන අක්ෂි රෝග වේ.
(ඇසේ සුද,වපරය,ග්ලූකෝමාව,හතලිස් ඇදිරිය..............මෙම සියළුම රෝග පිළිබඳව මුල් ලිපි මගින් කරුණු දක්වා ඇත.)

බෝවන අක්ෂි රෝග කෙනෙකුගෙන් තවත් කෙනෙකුට රෝගය ව්‍යාප්ත වේ.මෙසේ ව්‍යාප්තිය සදහා බොහෝ විට හේතු වන්නේ ස්පර්ශයයි.සාමාන්‍යයෙන් මෙවැනි බෝවන අක්ෂි රෝගයක් සති දෙකක පමණ කාලයක් පවතී.මේවා මගින් ඇසේ ක්‍රියාකාරීත්වයට බාධාවක් ඇතිනොකරයි.නමුත් ,පෙර කියූ බෝ නොවන අක්ෂි රෝග මගින් ඇසේ පෙනීම ආදී ක්‍රියාකාරීත්වයට බාධාවන් ඇතිකරයි.වෛරස,බැක්ටීරියා,දිලීර ආදියෙන් මෙම බෝ නොවන අක්ෂි රෝග ඇතිවේ.

ඇස් රතු වීම,ඇස් වලින් කබ ගැලීම,ඇස් දැවිල්ල,ඇස් වලින් කදුළු ගැලීම,ඇස් පිහාටු ඉදිමීම,ඇස කෙවීම,ඇස තුල වැලි ඇට පවතිනවා සේ දැනීම සහ උගුරේ අමාරුව සමග තරමක උණ ගතියක් ඇති වීම මෙම බෝ වන අක්ෂි රෝග වල රෝග ලක්ෂණ වේ.සාමාන්‍යයෙන් මෙවන් ලක්ෂණ පැය 24 කට වඩා පවතීනම් මෙය අනිවාර්යයෙන්ම අක්ෂි රෝගයක් යැයි නිර්දේශ කල හැකිය.


සාමාන්‍යයෙන් බහුල වශයෙන් පවතින බෝ නොවන අක්ෂි රෝගය වන්නේ "අක්ෂි ප්‍රදාහය" (Conjunctivities) හෙවත් "ඇස් ලෙඩ" යි.


ඊලඟ ලිපියෙන් නැවත හමුවෙමු...........

D.H.S.L ( "Dinapotha" )

❆❆❆❆❆❆❆❆❆❆❆❆❆

Facebook ඔස්සේ නවතම ලිපි පරිශීලනය කිරීම සදහා " දිනපොත - Dairy " පිටුව සමග මෙතනින් එකතු වන්න.

මෙම ලිපිය හා සමස්ථ ලිපි පෙළ මගින් ඔබගේ දැනුමට හා සෞඛ්‍ය සදහා ලැබුනු දායකත්වය පහත අංක අනුව ප්‍රතිචාරයක් ( Comment ) ලෙසට දක්වන්න.


100%   නම්   ⇨(1) 😀                75%  නම්  ⇨  (2)  😁50%    නම්  ⇨ (3)  😐                 25% නම්    ⇨(4) 😳

15 comments:

  1. අපේ අම්මට තියනවා කියල කිව්වා වසර ගානකට කලින්. හැබැයි ඔය විස්තර රෝග ලක්ෂණ තිබ්බේ නැහැ. ඔපරේෂන් එකක් කළා.

    ReplyDelete
    Replies
    1. මොකක්ද තිබුනු රෝගය ??
      ග්ලූකෝමා වද,ඇසේ සුදද ?

      Delete
    2. ඇසෙ සුදට මම හිතන්නේ ඔපරේෂන් එක කලේ.

      Delete
    3. Ajith,මහත්තයා ,මේ ලිපියේ සදහන් වෙන්නේ ග්ලූකෝමා රෝගය ගැන .ඇසේ සුද කියන්නේ වෙනම රෝගයක්.ඇසේ සුද හා එහි රෝග ලක්ෂණ ගැන මේ ලිපියට පෙර ලිපියේ සියළුම විස්තර තියෙනවා .ඒකේ ඇසේ සුදට සිදුකරන ශල්‍යකර්මයන් ගැනත් සුළු විස්තරයක් තියෙනවා .
      ඇසේ සුද වැඩිවීමේ ප්‍රථිඵලයක් ලෙසට සමහරුන්ට මේ ලිපියේ තියෙන ග්ලූකෝමා රෝගය සෑදිය හැකියි.නමුත් සුදට ශල්‍යකර්මයක් කරොත් එහෙම බය විය යුතු නැහැ..........

      Delete
    4. Ajith
      හයවෙනි (#6) ලිපිය හා හත්වෙනි (#7) ලිපිය යන ලිපි දෙකේ තමයි "ඇසේ සුද " ගැන තියෙන්නේ .

      Delete
    5. හරි ඒක නිසා තමා මම ලිව්වේ. ඇසෙ සුද කියන්නේ cataract වලට නේද . ග්ලුකෝමා කතාව වෙන්න බැහැ කියල

      Delete
    6. ඔව්,cataract කියන්නේ ඇසේ සුද .

      ශල්‍යකර්මය කලේ නැත්නම් සමහර අවස්ථා වලදී රෝග තත්වය අනුව cataract තත්වය Glucoma තත්වය බවට ව්‍යාප්ත වෙන්න පුළුවන් ......

      Delete
  2. This is a good article my friend .

    ReplyDelete
  3. ඉස්සර කාලේ වයසක අයට ලෙඩක් තිබුනා නිතර නිතර ඇස් රතුවන එසේ ඇස් රතුවනවිට ඹවුන් කලේ ඹ්නෑම සිල්ලර බඩු කඩයක වගේ තිබුන රෝස වතුර කුප්පියක් ගෙනවුත් ඇසට දැමීමයි එවිට එම රතු පැහැය නැතිව යයි මෙම අක්ෂි රෝගය කුමක්ද රෝස වතුර කිව්වේ මොනවාටදැයි දැනගත හැකිද

    ReplyDelete
    Replies
    1. Ananda,
      ඕකේ රෝස වතුර ගැන නම් මට අවබෝධයක් නෑ.මම ඒක ගැන තවදුරටත් හොයලා බලන්නම්.

      මේකෙදී ඇස් රතු වීමක් වෙනවා නම් ඒක බෝවෙන අක්ෂි රෝගයක් (ඇස් ලෙඩ) වෙන්න පුළුවන් .ඊලඟ ලිපිය (#10) දැනටමත් මේ ගැන ලියමින් ඉන්නේ.නමුත් ,ඇස් ලෙඩ දවසින් දෙකෙන් සනීප වෙන්නේ නෑ.ඖෂධ ගත්තත් අවමය සතියක් වත් යනවා.

      මම හිතෙන්නේ ඕක සාමාන්‍යයෙන් ඇස වියලීම නිසා ඇතිවන තත්වයක්.අනික වයසට යෑම සමග සමහර අයගේ කදුළු ඝ්‍රාවය වීම අවම වෙන්න පුළුවන් .ඒ වගේ අවස්ථා වලදී ඇස් දැව්ල්ල,ඇස් රතුවීම වෙන්න පුළුවන් .තොරතුරු අනුව නම් ඔය තත්වය සාමාන්‍ය තත්වයක්.ඇස් ලෙඩක් නම් තවත් බොහෝ රෝගී ලක්ෂණ පවතින්න ඕනේ.

      ඔය ලිපියේ දාපු Glucoma රෝගී තත්වය නම් කොහොමටත් නෙවෙයි ඔය අයට තියෙන්නේ .

      ඔය රෝස වතුර ගැන තව තොරතුරු දන්නවා නම් කියන්න .ඖෂධය ගැන හොයාගන්න මට ඒක පහසුවක් වේවි.

      Delete
    2. ස්තුතියි මම ඒ රෝසවතුර කුප්පි දැකල තියනව ඒවා කුඩා අවර්ණ වීදුරු කුප්පි හොදින් වැසෙන රබර් මූඩියකින් වසා තිබුනා ඒ කුප්පිවල පිටත Rose Water කියල ගහල තිබුනා එහි තිබුනේ අවර්ණ දියරයක් එම වතුර රෝසමල් සුවදයි තරමක් කල්යනවිට එම වතුර පාවිච්චි කරන්න බැරිව යනව මොකද එම ජලය තුල දුඹුරු පාටට හුරු මොලොක් තෛයිලෝදයක් වැනි දෙයක් ඇතිවන නිසා නමුත් මෙය එදා සමාජයේ භාවිතා වුනා වැඩිපුර පාවිච්චි කලේ වයසක අයයි එමනිසා එය පෙර සදහන් කර ඇති ලෙසටම ඹ්නෑම සිල්ලර බඩු කඩයක වාගේ මිලයට ගැනීමට තිබුනා කෙසේවෙතත් මේ ගැන එතරම් උනන්දුවීමට අවශ්‍ය නැහැ මෙය දැන් ඔබ කරගෙනයන රෝග විස්තරයට අදාල නැතිවෙන්න පුලුවන් ලිපිය කියවනවිට මතක්වුන නිසයි සදහන් කලේ නමුත් ඒ කාලයේ එම රෝගී තත්වයට රෝස වතුර දැමූවිට සුවය ලැබුනා මේ ගැන වැඩි විස්තර දන්නව නම් දන්නව ඇත්තෙ වයසක අය තමයි

      Delete
    3. හරි Ananda මහත්මයා,ස්තුතියි .
      ඒකෙන් මමත් නොදන්නා දෙයක් ගැන තොරතුරු දැනගත්තා.

      Delete
    4. මම එය ගැන නැවතත් ටිකක් හොයා බැලුවා ඇත්තටම එහි අවුසදීය ගුණ තියන බව rose water සම්බන්ධ ලිපි කීපයකම දක්වා තිබෙනවා එහි එයින් ඇසේ සුදටත් ප්රතිකාර කිරීමට හැකිබව දක්වා තිබෙනවා
      1) What you should know about rose water - https://www.medicalnewstoday.com/ by Debra Rose Wilson, PhD, MSN, RN, IBCLC, AHN-BC, CHT
      Eyes
      In its liquid form rose water can be used as part of an eye drop and has been shown to have excellent benefits for people with eye problems.
      Conditions it can help treat include:
      • conjunctivitis
      • conjunctival xerosis or dry eye
      • acute dacryocystitis
      • degenerative conditions, such as pterygium or pinguecula
      • cataracts
      2) Rose Water: Benefits and Uses
      • Soothes skin irritation.
      • Soothes sore throats.
      • Reduces skin redness.
      • Helps prevent and treats infections.
      • Contains antioxidants.
      • Heals cuts, scars, and burns.
      • Enhances mood.
      • Relieves headaches.
      3)toners and face wash. Its anti-inflammatory properties make it a good tool against skin disorders such as Rosacea and eczema

      Delete
    5. ස්තුතියි Ananda මහත්මයා තොරතුරු වලට ..........

      Delete

"දිනපොත" පෙරවදන

පෙරවදන

******************** "දිනපොත" යනු භෞතික සංරචකයක් වුවත් , එය සමහරුන්ගේ ආධ්‍යාත්මීය ගැලපුමකි.හෘදසාක්ෂිය නිරූපණය වන්නේ මෙම "දින...