========================
වර්තමානයේ දේශපාලනය හා දේශපාලකයින් සාමාන්‍ය ජනතාවට පෙනෙන්නේ ,දැනෙන්නේ වහ කදුරු මෙන් ය.
නමුත් ,පුදුමය නම් දේශපාලකයින් යනු,වෙන කවුරුවත් නොව ජනතාව විසින්ම බහුතර ජන්දයෙන් පත්කල අය වීමයි.නැතුව ඔවුන් අගහරු ලොවින් මේ දැන් ගොඩබෑ ඈයෝ නොවෙති.
අනේක විධි පාට වලින් යුතු වූ පක්ෂ වලින් පැමිණෙන මේ ඈයෝ විවිධ පොරොන්දු දෙයි.ඒවා සීනිබෝල වේ.හරි රහයි,ලස්සනයි .නමුත් ඒවා බලුනොවටී.ජනතාවගෙන් බහුතරයක් මේ සීනිබෝල වල රස විදියි.(ඔබද මා ද ඇතුළුව...)
එම ක්‍රියාව සමාන වෙන්නේ තහනම් ගසෙන් ගෙඩි කෑ ක්‍රියාවටය.පසුව,දේශපාලකයා ඔහු දුන් පොරොන්දු අමතක කර හොරාකෑම ආරම්භ කරයි.මනුෂ්‍ය මනස සැකසී ඇත්තේ එලෙසට වේ.එය බලයකට ,ධනයට කෑදර වේ.එය පාලනය කර ගත යුත්තේ තමන්මය.
දැන් ජනතාවගේ දෑස් විවර වී ඇත .නමුත් දැන් ඔවුන් ප්‍රමාද වැඩිය.තහනම් ගසෙන් ගෙඩි කෑ පසු ඔවුනොවුන්ගේ මනස පෑදී නිරුවත දැක ලැජ්ජා වී නිරුවත වසා ගැනීමට හිස්ලූලූ අත දුවනවා මෙන් ජනතාවද දැන් ක්‍රියාකරයි.
පුදුමය නම් ජනතාව රෑ වැටුනු වලේ හොදට එළිය ඇති දවල්ද වැටීමයි.ඔවුන් සැබෑම අන්ධයෝ වෙති.
ඔවුන් ඉගුරු දී මිරිස් ගන්නා මොඩලයේ පිරිසකි.එක් පාටක් ඇති පක්ෂයකින් පාඩමක් ඉගෙනගත් පසු තවත් පක්ෂයක් බලයට පත් කරයි.දේශපාලකයින් හා ඔවුන්ගේ පක්ෂ යනු එක වල්ලේ පොල්‍ මෙන් ය.වෙනසක් නැත.ඔවුන් ජනතාව නම් බළලුන් ලවා කොස් ඇට බාවාගන්නා පිරිසකි.
සිතන්න.......................
ඔබලා නොදැනම ඔබ ඔවුන්ගේ රූකඩ වී ඇත...............................
**************************
දැන් ඉතින් හොදට නටන්න .නූල ඔවුන් අතේය.
====================
D.H.S.L
(රූපය "අද" පුවත්පත )
No comments:
Post a Comment